सुन र चाँदीको मूल्यमा भारी वृद्धि,  सुनको २ लाख ५६ हजार ६०० मा कारोबार

काठमाडौं, २६ मंसिर। दिनानुदिन नेपाली बजारमा सुन र चाँदीको मूल्यमा भारी वृद्धि भएको छ । यस दिन सुनको मूल्य प्रतितोला तीन हजार ५०० रुपैयाँ बढेको छ भने चाँदीको मूल्य तोलामा १०० रुपैयाँ बढेर नयाँ रेकर्ड बनाएको हो।

नेपाल सुनचाँदी व्यवसायी महासंघका अनुसार यस दिन सुनको मूल्य प्रतितोला २ लाख ५६ हजार ६०० रुपैयाँ कायम भएको छ । अघिल्लो दिन अर्थात् बिहीबार, यस्तो सुन प्रतितोला २ लाख ५३ हजार १०० रुपैयाँ कारोबार भएको थियो।

त्यस्तै, यस दिन चाँदीको मूल्य तोलामा १०० रुपैयाँले बढेको छ । आजको बजारमा चाँदी प्रतितोला तीन हजार ९०५ रुपैयाँमा खरिद–बिक्री भइरहेको छ । यो मूल्य हालसम्मकै उच्च हो । बिहीबारको बजारमा चाँदी प्रतितोला तीन हजार ८०५ रुपैयाँमा कारोबार भएको थियो । चाँदीले सो रेकर्ड ब्रेक गर्दै नयाँ रेकर्ड बनाएको हो । मंसिर महिना विवाहको सिजन भएकाले खरिद कर्तालाई निकै मार परेकोछ ।