नेपालले भारतको आसाम टीमसामु २०९ रनको विशाल लक्ष्य प्रस्तुत

काठमाडौं, १६ भदौ । नेपालको ‘ए’ टीमले निर्णायक खेलमा भारतको आसाम टीमसामु २०९ रनको विशाल लक्ष्य प्रस्तुत गरेको छ ।

भारतको गुवाहाटीमा पहिला ब्याटिङ गरेको नेपाल ‘ए’ ले निर्धारित २० ओभरमा ५ विकेट गुमाएर २०८ रन खडा गर्‍यो ।

नेपालका लागि सन्दीप जोराले सर्वाधिक ६४ रन बनाए । आदिल अन्सारीले ११ बलमा अविजित २५ रन जोडे । शुभ कंसाकारले ४१ र इशान पाण्डेले ३२ रनको योगदान दिए ।

यो खेलमा जित निकाल्ने टोलीले सिरिज आफ्नो पक्षमा पार्नेछ ।