टी–२०आई सिरिजको उपाधि जित्न नेपाललाई १७५ रनको लक्ष्य

२८ चैत, काठमाडौं । चारदेशीय टी–२०आई सिरिजको उपाधि जित्न नेपालले १७५ रनको लक्ष्य पाएको छ ।

हङकङमा नेपालविरुद्ध टस हारेर पहिला ब्याटिङ गरेको कुवेतले निर्धारित २० ओभरमा ७ विकेट गुमाएर १७४ रन बनायो ।

कुवेतका लागि ओपनर रविजा सन्दारुवानले सर्वाधिक ६० रन बनाए । क्लिन्टो एन्टोले २६, मिट भावसार १६ र मोहम्मद उमर अब्दुल्लाले २३ रनको योगदान दिए ।

बलिङमा नेपालका नन्दन यादव र सोमपाल कामीले २–२, करण केसी र कुशल भुर्तेलले एक–एक विकेट लिए ।

प्रतिक्रिया दिनुहोस्