स्कटल्यान्डमा हुने लिग–२ सिरिजको बन्द प्रशिक्षणमा ४८ खेलाडी
काठमाडौं, १७ चैत । नेपाल क्रिकेट संघ (क्यान) ले आगामी जुनमा स्कटल्यान्डमा हुने आइसिसी विश्वकप क्रिकेट लिग–२ अन्तर्गतको सिरिजका लागि पहिलो चरणको बन्द प्रशिक्षणमा ४८ खेलाडीलाई बोलाएको छ।
प्रारम्भिक टोलीमा रहेका ४८ खेलाडीलाई चार समूहमा विभाजन गरेर खेलहरू सञ्चालन गर्ने क्यानको भनाइ छ।
४८ खेलाडीमा शनिबार सकिएको प्रधानमन्त्री कपमा उत्कृष्ट प्रदर्शन गरेका युवा खेलाडीको बाहुल्यता छ।
चार समूहको उक्त खेलहरू नवनियुक्त प्रशिक्षक स्टुअर्ट लको प्रत्यक्ष निगरानीमा हुने क्यानको भनाइ छ।
नेपालले जुनमा हुने सिरिजमा घरेलु स्कटल्यान्ड र नेदरल्यान्ड्ससँग त्रिकोणात्मक एकदिवसीय सिरिज खेल्नेछ।
नेपालले लिग–२ मा तीन सिरिजका १२ खेल खेल्दा केवल २ खेलमा जित निकालेको छ भने आठ टोलीमध्ये सातौं स्थानमा छ।
छनोटमा परेका खेलाडीहरू
१ रोहितकुमार पौडेल, २ दीपेन्द्रसिंह ऐरी, ३ सन्दीप लामिछाने, ४ सोमपाल कामी, ५ आसिफ शेख, ६ कुशल भुर्तेल, ७ गुल्सनकुमार झा, ८ करण केसी, ९ ललितनारायण राजवंशी १० अनिलकुमार साह, ११ सन्दीप जोरा, १२ आरिफ शेख, १३ भीम सार्की, १४ कुशल मल्ल, १५ सागर ढकाल, १६ लोकेश बम, १७ शाहब आलम, १८ आकाश चन्द, १९ विवेक कुमार यादव, २० सूर्य तामाङ, २१ रिजन ढकाल, २२ देव खनाल, २३ बसिर अहमद, २४ प्रतिस जीसी, २५ अविनाश बोहरा, २६ मयन यादव, २७ अर्जुन घर्ती, २८ हेमन्त धामी, २९ दीपेशप्रसाद कँडेल, ३० रुपेशकुमार सिंह, ३१ अर्जुन कुमाल, ३२ शुभ कंसाकार, ३३ किरण ठगुन्ना, ३४ ईशान पाण्डे, ३५ शेर मल्ल, ३६ प्रज्वल थापा, ३७ तृतराज दास, ३८ दीपेन्द्र रावत, ३९ नन्दन यादव, ४० सुजन थपलिया, ४१ दिलीप नाथ, ४२ आकाश त्रिपाठी, ४३ विशाल पटेल, ४४ शाकिब हक, ४५ विनोद भण्डारी, ४६ पवन सर्राफ, ४७ राशिद खान, ४८ अर्जुन साउद
प्रतिक्रिया दिनुहोस्