जय ट्रफी मेन्स एलिट कप: आज नेपाल पुलिस क्लब र मधेश प्रदेशबीचको खेल

काठमाडौं, २४ पुुुस । जय ट्रफी मेन्स एलिट कप अन्तर्गत आज नेपाल पुलिस क्लब र मधेश प्रदेशबीचको खेल पर्सास्थित वीरगन्जमा सुरु भएको छ । नारायणी रंगशालमा मधेश प्रदेशले पहिले ब्याटिङ गरिरहेको छ ।

नेपाल पुलिस क्लबले टस जितेर बलिङ रोज्दै मधेशलाई ब्याटिङको निम्तो दिएको थियो । मधेश चार ओभरमा विना क्षत्री २० रन बनाएर खेलिरहेको छ ।

दुवै आफ्नो दोस्रो खेल खेल्दैछन् । पहिलो खेलमा मधेश र बागमती प्रदेश तथा पुलिस र त्रिभुवन आर्मीसँगको खेल बराबरीमा सकिएको थियो ।