‘मुक्तिनाथ एनिभर्सरी बोनान्जा’ योजना सार्वजनिक

काठमाडौं, २३ पुुुस । मुक्तिनाथ विकास बैंक लिमिटेडले ‘मुक्तिनाथ एनिभर्सरी बोनान्जा’ योजना सार्वजनिक गरेको छ ।

१९औं वर्ष प्रवेश गरेको अवसरमा ग्राहकलाई डिजिटल भुक्तानीमा प्रोत्साहन गर्न उक्त योजना सार्वजनिक गरिएको बैंकले जनाएको छ ।

पहिलो योजना अनुसार बैंकको मोबाइल बैंकिङमा भएको कनेक्ट आईपीएस मार्फत रकम ट्रान्सफर गर्ने ग्राहकमध्येबाट २ जना ग्राहकलाई लक्की–ड्र मार्फत मोबाइल फोन प्रदान गरिने छ ।

यसैगरी एक सय रुपैयाँ वा सो भन्दा बढीको टपअप तथा डेटा प्याक लिने दैनिक १९ जना ग्राहकले लक्की–ड्र मार्फत १०० रुपैयाँको टपअप प्राप्त गर्नेछन् । यो योजना १९ पुसदेखि १९ माघसम्म लागु हुनेछ ।

दोस्रो योजना अनुसार बिजुलीको बिल भुक्तानी गर्ने ग्राहकलाई लक्षित रहेको छ । यस योजनामा बैंकको मोबाइल बैंकिङ मार्फत बिजुलीको बिल भुक्तानी गर्ने १ जना ग्राहकले लक्की–ड्र मार्फत बिल भुक्तानी रकम वा अधिकतम १० हजार १२५ रुपैयाँसम्म प्राप्त गर्न सक्नेछन् ।

तेस्रो योजना अनुसार बैंकको क्यूआर मर्चेन्ट भई कुनै पनि कारोबार क्यूआर मार्फत प्राप्त नगरेका मर्चेन्टले यस अवधिमा कारोबार संख्या ३ र २ सय रुपैयाँसम्मको कारोबार रकम क्यूआर मार्फत प्राप्त गरेमा ५ जना मर्चेन्टले लक्की–ड्र मार्फत स्मार्ट वाच प्राप्त गर्नेछन् ।

त्यसैगरी भारतीय पर्यटकबाट क्यूआर मर्चेन्टमा २ सय रुपैयाँसम्मको रकम क्यूआर मार्फत प्राप्त गरेमा ५ जना मर्चेन्टले लक्की–ड्र मार्फत स्मार्ट वाच प्राप्त गर्नेछन् । यो योजना १९ पुसदेखि २५ पुससम्म लागु हुनेछ ।

मोबाइल बैंकिङ मार्फत अन्य बैंकमा रकम ट्रान्सफर गर्ने दैनिक १ जनालाई लक्की–ड्र मार्फत एक हजार रुपैयाँ क्यासब्याक प्रदान गरिने बैंकले जनाएको छ ।

साथै क्यूआर मार्फत बिल भुक्तानी गर्ने ग्राहकमध्येबाट दैनिक २ जनालाई लक्की–ड्र मार्फत ५ सय रुपैयाँका दरले क्यासब्याक प्रदान गरिने छ । यो योजना १९ पुसदेखि २५ पुससम्मका लागि लागु हुनेछ ।