क्रिसमस अवसरमा बुधबारदेखि हलमा फिल्म ‘देववाणी’

काठमाडौं, १० पुस । क्रिसमस अवसरमा बुधबारदेखि नयाँ फिल्म ‘देववाणी प्रदर्शनमा आएका छन् ।

‘देववाणी’ एक्सन ड्रामा जनरामा आधारित फिल्म हो जसलाई बाबुसाहेब बलामीले निर्देशन गरेका हुन् । यो एक मित्रता र बदलाको कथा हो । तपाईंलाई एक्सन फिल्ममा रुचि छ भने यो फिल्म दर्शनीय हुनसक्छ ।

यसमा कुञ्जन भारद्वाज, अञ्जु लेप्चा, सुनिल थापा, ह्यारी जोस, रवीन्द्र झा लगायतको अभिनय छ । पीजी सर्टिफिकेट प्राप्त गरेको यो फिल्मको रनटाइम १३० मिनेट छ ।

अहिले हलहरूमा पुष्पा २, मोआना २, पूर्णबहादुरको सारङ्गी, तेलभिसा, मुफासाः द लायन किङ प्रदर्शनरत छन् ।