आज सुन चाँदी दुबै धातुको भाउ सामान्य बढ्यो

काठमाडौं,८ पुस । सोमबार सुन चाँदी दुबै धातुको भाउ सामान्य बढेको छ । आज सुनको मूल्य तोलामा २ सय रुपैयाँ र चाँदी तोलामा ५ रुपैयाँले बढेको हो ।

नेपाल सुनचाँदी व्यवसायी महासंघका अनुसार आज छापावाल सुनको मूल्य प्रतितोला एक लाख ४९ हजार ८०० रुपैयाँमा कारोबार भईरहेको छ ।

त्यसैगरी, सोमबार चाँदीको मुल्य पनि ५ रुपैयाँले बढेको छ । आज चाँदी प्रतितोला १ हजार ७ सय ९५ रुपैयाँमा कारोबार भइरहेको छ ।