नेपाल प्रिमियर लिगको फाइनल खेल हेर्दै टीयू क्रिकेट मैदानमा दर्शकहरु
काठमाडौं,६ पुस । टीयू क्रिकेट मैदान किर्तिपुरमा जारी नेपाल प्रिमियर लिग को आज फाइनल खेल हुँदैछ । फाइनलमा सुदूरपश्चिम रोयल्स र जनकपुर बोल्टस् भिड्दैछन् ।
एनपीएल अन्तर्गतको फाइनल खेल हेर्न बिहानैदेखि टीयू क्रिकेट मैदानमा दर्शक भरिभराउ छन् । दुवैतर्फका टिम समर्थक आआफ्ना टिमको समर्थनमा प्लेकार्ड सहित उपस्थित भएका छन् ।
आजको फाइनलमा टस जितेर जनकपुरविरुद्ध सुदूरपश्चिम रोयल्सले ब्याटिङ गर्ने भएको छ । सुदूरपश्चिमको तर्फबाट दीपेन्द्र सिंह ऐरीको कप्तानीमा र जनकपुरको आसिफ शेखको कप्तानीमा मैदान उत्रँदैछन् ।
नेपाली क्रिकेट इतिहासकै हालसम्मको सबैभन्दा ठूलो फ्रेन्चाइज प्रतियोगिताको उपाधि कसले जित्छ भन्ने कौतूहलताका साथ फाइनल हेर्न दर्शक समेत उत्साहित देखिन्छन् । यस प्रतियोगितामा विभिन्न ८ फ्रेन्चाइज टोली सहभागी थिए । जसमध्ये सुदूरपश्चिम र जनकपुर बोल्टस् फाइनलमा पुग्न सफल दुई टिम हुन् ।
प्रतिक्रिया दिनुहोस्