सुदूरपश्चिम र जनकपुरको खेल हुंदै, दर्शकलाई चिसोले पनि रोकेन

काठमाडौं,२६ मंसिर । नेपाल प्रिमियर लिग अन्तर्गत आजको पहिलो खेल हेर्न टीयू मैदानमा बिहानै दर्शकको बाक्लो उपस्थिति छ ।

यस लिगको अंक तालिकामा शीर्ष स्थानमा रहेका दुई टोलीको खेल भएकोले बिहानै टीयू मैदान दर्शकले भरिभराउ छ ।

पहिलो खेलमा अपराजित हुँदै शीर्ष स्थानमा रहेको जनकपुर बोल्ट्सविरूद्ध दोस्रो स्थानमा रहेको सुदूरपश्चिमले टस हारेर ब्याटिङ गरिरहेको अवस्था हो ।

सुदूरपश्चिम र जनकपुरबीचको खेल हेर्न बिहानैदेखि जाडोलाई पर्वाह नगरि दर्शक उपस्थित भएका भइसकेका थिए । दर्शक आउने क्रम अझै पनि जारी छ ।