कर्णालीले काठमान्डुलाई दियो १५० रनको लक्ष्य

काठमाडौं,१९ मंसिर । शिखर धवनको अर्धशतक प्रहारपछि कर्णाली याक्सले नेपाल प्रिमियर लिगमा काठमान्डु गुर्खाजलाई १५० रनको लक्ष्य दिएको छ ।

कीर्तिपुरस्थित टीयू मैदानमा टस हारेर पहिले ब्याटिङ गरेको कर्णालीले २० ओभरमा ५ विकेट गुमाएर १४९ रन बनाएको हो ।

धवनले ५१ बल खेल्दै ४ चौका र ५ छक्का मद्तमा अविजित ७२ रन जोडेका थिए । धवनले छैटौं विकेटका लागि जिसान मक्सुदसँग अविजित ६५ रनको साझेदारी गरे ।

मक्सुदले ११ बल खेल्दै १ चौकाको मद्तमा अविजित १४ रन जोडे ।

चाडविक वाल्टनले २१, बाबा रहायतले १३ र गुल्सन झा ले २ रन जोडे । अर्जुन घर्ती ४ रनमा आउट भए भने ओपनर देव खनालले खाता खोल्न सकेनन् ।

त्यस्तै, बलिङमा काठमाडौंका जेरार्ड एरासमसले २ तथा करण केसी, नाथन सोटर र दिपेश कँडेलले १(१ विकेट लिए ।