थाइल्याण्डविरुद्ध नेपालले ब्याटिङ गर्दे

काठमाडौं,२१ कात्तिक । आईसीसी यू–१९ महिला टी–२० विश्वकप एसिया छनोट प्रतियोगिता अन्तर्गत थाइल्याण्डविरुद्धको खेलमा नेपालले टस हारेर ब्याटिङ गर्दै छ ।

थाइल्याण्डले टस जितेर फिल्डिङ रोजेपछि नेपालले पहिले ब्याटिङ गर्न लागेको हो ।

आईसीसी यू–१९ महिला टी–२० विश्वकप छनोट प्रतियोगिता बुधबारदेखि युएईमा सुरु भएको हो ।

प्रतियोगिताका लागि दिल्लीमा प्रशिक्षण र केही अभ्यास खेलपछि नेपाली युवा टोली सोमबार दुबई पुगेको छ । दाङमा करिब दुई महिना प्रशिक्षण पछि नेपाली टोलीले दिल्लीमा समेत तयारी गरेको थियो । त्यतैबाट टोली युएई गएको हो । नेपाली टोलीले राम्रो तयारी गरेको र प्रतियोगिताको लागि तयार रहेको नेपाल यू १९ टिमका मुख्य प्रशिक्षक महेश प्रसाद रिजालले बताए ।