भारतलाई हराउँदै बंगलादेश पुग्यो फाइनलमा

काठमाडौं,१० भदौ । साफ यु–२० च्याम्पियनसिपअन्तर्गत आज भएको दोस्रो सेमिफाइनल खेलमा डिफेन्डिङ च्याम्पियन भारतलाई हराउँदै बंगलदेश फाइनलमा प्रवेश गरेको छ । ललितपुरको सातदोबाटोस्थित एन्फा कम्प्लेक्समा सोमबार भएको खेलमा बंगलादेशले टाइब्रेकरमा ४-३ ले पराजित गरेको हो ।

९० मिनेटमा दुवै टोलीले १–१ को बराबरी खेलेपछि टाइब्रेकरबाट विजेता टुंगो लागेको हो । अबको नेपाल र बंगलादेशबीचको फाइनल खेल बुधबार हुने छ ।

अब हुने फाइनल खेलमा जित्ने टिम साफ यु–२० बिजेता र हार्ने उपबिजेता हुने छ ।