साफ यु–२० च्याम्पियनसिप सेमिफाइनलमा नेपाल र भुटानबीच खेल हुने

काठमाडौं,७ साउन । साफ यु–२० च्याम्पियनसिपअन्तर्गत समूहचरणको अन्तिम खेलमा नेपाल र भुटानबीच प्रतिस्पर्धा हुने भएको छ ।

सातदोबाटोस्थित एन्फा कम्प्लेक्समा भएको समूह ‘बी’ को अन्तिम खेलमा भारतले माल्दिभ्सलाई १-० ले पराजित गरेसँगै नेपालले सेमिफाइनलमा भुटानसँग प्रतिस्पर्धा गर्ने भएको हो । अब नेपाल र भुटान बीचको सेमिफाइनल खेल आइतबार हुने भएको छ ।

भारतसँग पराजित भएसँगै माल्दिभ्स अंकविहीन हुँदै प्रतियोगिताबाट बाहिरिएको छ । त्यसैगरि, भारत समूह विजेता बनेको छ । त्यस्तै यसै समूहबाट भुटान तीन अंकका साथ सेमिफाइनल पुगेको हो ।

अब घरेलु टोली नेपालले सेमिफाइनलमा समूह बी को उपविजेता भुटानसँग प्रतिस्पर्धा गर्नेछ । यस्तै साविक विजेता भारतले सेमिफाइनलमा समूह ए को उपविजेता बंगलादेशसँग खेल्नेछ ।