सुन चाँदीको भाउ अस्थिर, मूल्यआज एकैदिन तोलामा २७ सय रुपैयाँ घट्यो

काठमाडौं,९ असार । सुनको मूल्य आज तोलामा २७ सय रुपैयाँले घटेको छ । सुन चाँदीको भाउ गत हप्तादेखि अस्थिर रहेको छ ।

नेपाल सुन–चाँदी व्यवसायी महासंघका अनुसार आइतबार छापावाल सुन प्रतितोला २७ सय रुपैयाँले घटेर १ लाख ४२ हजार रुपैयाँ कायम भई कारोबार भएको छ । त्यस्तै, तेजावी सुनको मूल्य तोलाको १ लाख ४१ हजार ३०० रुपैयाँमा कारोबार भएको छ ।

त्यसैगरी, आज चाँदीको भाउ पनि प्रतितोला ५० रुपैयाँले घटेर १८ सय १५ रुपैयाँ कायम भएको छ ।