सन्दिप लामिछाने विश्वकप क्रिकेट वेस्टइण्डिजमा हुने खेलहरुमा सहभागी हुने

काठमाडौं, २८ जेष्ठ। चर्चित क्रिकेटर सन्दिप लामिछाने विश्वकप खेल्नका लागि विश्वकप क्रिकेट वेस्टइण्डिजमा हुने खेलहरुमा सहभागी हुने भएका छन् ।

क्रिकेट एसोसिएसन अफ नेपाल (क्यान) का सचिव पारस खड्काका अनुसार वेस्टइण्डिजमा हुने खेलमा लामिछाने राष्ट्रिय क्रिकेट टोलीमा समावेश भएर खेल्ने छन् । उनी दक्षिण अफ्रिका र बंगलादेशविरुद्धका खेल खेल्ने छन् ।

विश्वकप क्रिकेट २०२४ का खेलहरु अमेरिका र वेष्टइण्डिजमा भइरहेका छन् । नेपाली राष्ट्रिय टोलीका अरु सदस्यहरु अमेरिका गएर खेलिरहे पनि सन्दीपलाई अमेरिकाले भिसा दिएको थिएन ।

आईसीसीको समन्वयमा लामिछाने वेष्टइण्डिज जान लागेको क्यानका सचिव खड्काले जारी गरेको विज्ञप्तिमा उल्लेख छ । उनले प्रतिश जिसीको स्थान लिने छन् । उनको खेलमा सहभागिुँगै वेष्टइण्डिजमा भएको खेलमा नेपालको इज्जत राख्ने आश छ ।