आज नेपालले अमेरिकासँग विश्वकप वार्मअप अन्तर्गत अन्तिम खेल्दै

काठमाडौं,१७ जेठ । नेपालले आज टी-२० विश्वकप वार्मअप अन्तर्गत दोस्रो तथा अन्तिम खेल अमेरिकासँग खेल्दैछ । यो खेल आज राति सवा ९ बजे अमेरिकाको डालासमा हुँदैछ ।

डालासमै भएको यसअघिको पहिलो वार्मअप खेलमा नेपाल क्यानडासँग ६३ रनको फराकिलो अन्तरमा पराजित भएको थियो ।

विश्वकपको तयारीमा रहेको नेपालले त्यसअघि वेष्टइण्डिजको सेन्ट भिसेन्टमा विनवाड्र्सविरुद्ध तीन खेल खेलेको थियो । त्यसपछि अमेरिकामा ह्युस्टन हरिकेन्ससँग दुई टी-२० अभ्यास खेल खेलेको थियो ।

अमेरिकासँगको वार्मअप खेलसँगै नेपालको सम्पूर्ण विश्वकप तयारी सकिनेछ ।

विश्वकप १ जुनदेखि २९ सम्म अमेरिका र वेष्टइण्डिजमा सुरु हुँदैछ । नेपालले डालासमै नेदरल्याड्ससँग ४ जुनमा खेल्दै विश्वकपको सुरुआत गर्नेछ ।

नेपाल रहेको खेल समूह अन्तर्गत दक्षिण अफ्रिका, नेदरल्यान्ड्स, श्रीलंका र बंगलादेश छन् ।