नेपालले टस जितेर गुजरातविरुद्ध ब्याटिङ गर्दै
काठमाडौं,२५ चैत । भारत भ्रमणमा रहेको नेपालले एसएमएस फ्रेन्डसिप कपअन्तर्गत फाइनल खेल्दै छ । नेपालले गुजरातसँग टस जितेर पहिला ब्याटिङ गर्ने भएको हो ।
नेपालले पछिल्लो खेलमा बरोडाबाट चार परिवर्तन गरेको छ । नेपालको टोलीमा कप्तान रोहित पौडेल, सोमपाल कामी, अभिनाश बोहरा र आसिफ शेख फर्किएका छन् ।
आज तीव्र गतिका बलर आकाश चन्द, प्रतिश जि.सी, ललित राजवंशी र अनिल शाह आज बेन्चमा छन् ।
सिरिजको सुरुवाती खेलमा नेपालले गुजरातलाई ८ विकेट र ८ रन तथा बरोडालाई २७ रनले हराएको थियो । अन्तिम खेलमा भने नेपाल बरोडासँग ३७ रनले पराजित भएको थियो । उता गुजरातले बरोडालाई ५ विकेट र ५७ रनले हराउँदै फाइनलमा स्थान बनाएको थियो ।
नेपालको प्लेइङ ११ समूशबाट रोहित पौडेल (कप्तान), कुशल भुर्तेल, कुशल मल्ल, विवेक यादव, सन्दीप जोरा, गुलशन झा, दीपेन्द्रसिंह ऐरी, सोमपाल कामी, करण केसी, आसिफ शेख र अभिनाश बोहरा खेल्दै ।
प्रतिक्रिया दिनुहोस्