सुनको भाउ सामान्य घट्यो, चाँदीको स्थिर

काठमाडौं,२८ माघ । आइतबार सुनको भाउ सामान्य घटेको छ भने चाँदीको भाउ स्थिर रहेको छ । आज सुनको भाउ तोलामा ५०० रुपैयाँले घटेको हो ।

नेपाल सुनचाँदी व्यवसायी महासंघका अनुसार आज छापावाल सुन प्रतितोला एक लाख १८ हजार रुपैयाँ छ । यसैगरी, तेजाबी सुन प्रतितोला एक लाख १७ हजार ४५० रुपैयाँमा कारोबार भइरहेको छ ।

शुक्रबार छापावाला सुनको प्रतितोला एक लाख १८ हजार ५०० रुपैयाँमा कारोबार भएको थियो ।

यसैगरी, आज आइतबार चाँदी भने शुक्रबारकै मूल्य अर्थात प्रतितोला एक हजार ३९० रुपैयाँमा खरिदबिक्री हुँदैछ ।