सोमबार सेयर बजार ८. ७५ अंकले गिरावट

काठमाडौं, १६ पुस। सोमबार सेयर बजार पनि शयरबजार घटेको छ । यो साताको कारेबारको पहिलो दिन नेप्से परिसूचक नेप्से ८.७५ अंकले घटेको हो। आज नेप्से २०६० अंकमा कायम भएको छ । परिसूचक घटे पनि कारोबार रकम भने बढेको छ । गत बिहीबार ४ अर्ब २९ करोडको कारोबार भएकोमा आज ४ अर्ब ४८ करोडको कारोबार भयो । कुल ७७ कम्पनीको मूल्य बढ्दा १५९ को घट्यो भने १० को स्थिर रह्यो ।

समग्र बजार घट्दा पनि उत्पादन र लगानी समूहमा भने लगानीकर्ताको आकर्षण देखिएको छ । यी दुबै समूह १–१ प्रतिशत बढे । जलविद्युत् समूह भने सबैभन्दा धेरै १.७ प्रतिशत घट्यो ।

बैंकिङ ०.१५, विकास बैंक ४.१९, लगानी ०.८३, उत्पादन ६३ र ब्यापार १३ अंक बढे । फाइनान्स १४, होटल तथा पर्यटन ९६, जलविद्युत् ४१, जीवन बीमा १८०, माइक्रोफाइनान्स ५, निर्जीवन बीमा ८६ र अन्य समूह ५ अंक घटे ।

सीईडीबी हाइड्रोपावर, चिरख्वा हाइड्रोपावर, नेपाल वेयरहाउजिङ कम्पनी, हाथवे इन्भेस्टमेन्ट कम्पनी, मुक्तिनाथ कृषि कम्पनी र हिमालयन हाइड्रोपावरको मूल्य १० प्रतिशत बढ्यो । बीपीडब्लू लघुवित्तको ८ तथा न्यादी हाइड्रोपावरको ७.७ प्रतिशत मूल्य बढ्यो ।