अर्थतन्त्र सुधार्न नयाँ घोषणाको तयारीः प्रधानमन्त्री

काठमाडौं, २१ मंसिर । अर्थतन्त्रमा सुधारका लागि प्रधानमन्त्री पुष्पकमल दाहाल प्रचण्डले केही नयाँ घोषणा गर्ने तयारीमा रहेको बताएका छन् ।

प्रधानमन्त्री प्रचण्डले बिहीबार काठमाडौंमा रेस्पोन्सिबल बिजनेस समिटलाई सम्बोधन गर्दै तथ्यांक हेर्दा अर्थतन्त्रमा सुधारको अनुभूति भएपनि व्यवहारमा जनतामा आशाको सञ्चार हुन नसकेको बताए । यसका लागि अझै मिहिनेत गर्नुपर्ने भन्दै उनले अगाडि भने, ‘अर्थतन्त्र सुधारमा केन्द्रित रहेर अझ बृहत बैठक र केही नयाँ घोषणा गर्ने तयारी गरिरहेको छु ।’

बुधबार मात्र शासकीय सुधारका विषयमा बृहत छलफल गरेको भन्दै उनले यो क्षेत्रमा केही नयाँ गर्न सकिए त्यसको प्रभाव अर्थतन्त्रमा पनि पर्ने बताए ।