२० वाणिज्य बैंकले २ महिनामै गरे साढे १६ अर्ब नाफा, कुनले कति कमाए?

काठमाडौं, कार्तिक १ । वाणिज्य बैंकहरूले १६ अर्ब ६४ करोड नाफा कमाएका छन्।  सञ्चालनमा रहेका २० वाणिज्य बैंकहरूले भदौ (दुई महिना) मा सो नाफा गरेका हुन्।भदौमा ग्लोबल आईएमई बैंकले सर्वाधिक १ अर्ब ७५ करोड नाफा गरेको छ।

त्यसैगरी नबिल बैंकले १ अर्ब ५६ करोड ४ लाख र नेपाल इन्भेस्टमेन्ट मेगा बैंकले १ अर्ब ४८ करोड नाफा गरेको छ।

अन्य कुन बैंकले कति नाफा गरे?

नेपाल बैंकले ७० करोड नाफा कमाएको छ।राष्ट्रिय वाणिज्य बैंकले ८७ करोड, नबिल बैंकले १ अर्ब ५६ करोड ४ लाख, नेपाल इन्भेस्टमेन्ट मेगा बैंकले १ अर्ब ४८ करोड ६ लाख, स्टान्डर्ड चाटर्ड बैंकले ४८ करोड, हिमालयन बैंकले १ अर्ब २३ करोड, नेपाल एसबीआई बैंकले २७ करोड नाफा गरेका छन्।

एभरेस्ट बैंकले ७१ करोड २ लाख, एनआईसी एसियाले ८० करोड, माछापुच्छ्रे बैंकले ३७ करोड, कुमारी बैंकले १ अर्ब ४५ करोड, लक्ष्मी सनराइजले ८१ करोड, सिद्धार्थ बैंकले ५८ करोड ६ लाख र कृषि विकास बैंकले ६१ करोड ५ लाख नाफा गरेका छन्।

यस्तै ग्लोबल आईएमई बैंकले १ अर्ब ७५ करोड ५ लाख, सिटिजन्स बैंकले ४४ करोड ३ लाख, प्राइम कमर्सियलले ८३ करोड, एनएमबी बैंकले ७६ करोड ७ लाख, प्रभु बैंकले ६६ करोड ४ लाख र सानिमा बैंकले ५१ करोड २ लाख नाफा गरेका छन्।