नेपाल बैंकमा अत्याधुनिक कल सेन्टर

काठमाडौं, भदौ २८ । नेपाल बैंकले आफ्नो ग्राहक सेवा थप प्रभावकारी तथा उत्कृष्ट बनाउने उद्देश्यले अत्याधुनिक कल सेन्टर सेवा सञ्चालनका लागि सेवा प्रदायकसँगको सम्झौतामा हस्ताक्षर गरेको छ।

सम्झौताले बैंकका ग्राहकका समस्या, जिज्ञासा र कठिनाइलाई तत्काल सम्बोधन गरी समाधान गर्ने तथा वित्तीय सेवासँग सम्बन्धित समसामयिक जानकारी प्रदान गर्दै उत्कृष्ट ग्राहक सेवामा कोसेढुंगा साबित हुने बैंकको विश्वास छ।

बैंकको प्रमुख कार्यकारी अधिकृत कृष्णबहादुर अधिकारीले कल सेन्टरले बैंक र ग्राहकबीचको सेवालाई अझ उत्कृष्ट र सरल बनाउँदै बैंक र ग्राहकसँगको सम्बन्धलाई समयसापेक्ष अद्यावधिक र सुमधुर बनाउन विशेष भूमिका खेल्ने बताए।