नेशनल लघुवित्तका अध्यक्ष सिजापतिले लिए सपथ
काठमाडौं । नेशनल लघुवित्त वित्तीय संस्थाका नवनियुक्त अध्यक्षले सपथ ग्रहण गरेका छन्।
नवनियुक्त अध्यक्ष रबिन सिजापतिले नेपाल राष्ट्र बैंक बैंक वित्तीय संस्था नियमन विभाग प्रमुख ड़ा.गुणाकर भट्टबाट अध्यक्षको सपथ ग्रहण गरेका हुन् ।
समीट लघुवित्त वित्तीय संस्था र नेशनल माइक्रोफाइनान्स कम्पनीले २०८० असार ३० गते नेशनल लघुवित्त वित्तीय संस्थाको नामबाट एकीकृत कारोबारको शुभारम्भ गरेका हुन् ।
समीट लघुवित्तसँग मर्जर तथा प्राप्ति अघिको नेशनल माइक्रोफाइनान्सको अध्यक्ष रहेका केशब प्रसाद आचार्यले काम बिशेषले नेपाल बाहिर रहेकाले नेपाल इन्भेष्टमेन्ट मेगा बैंकका सिनियर डेपुटी जेनेरल म्यानेजर सिजापतिले नेशनल लघुवित्तको अध्यक्षको रुपमा सपथ ग्रहण गरेका हुन्।
त्यस्तै समिट र नेशनल माइक्रो मिलेर बनेको नेशनल लघुवित्तको संचालक समिति सदस्य समेत चयन भएका छन्। तत्कालिन नेशनल लघुवित्तबाट केशब प्रसाद आचार्य, रबिन सिजापति, क्षितिज खड्का र नरेन्द्र सतकुटी र समिटबाट तिर्थराज ढकाल र प्रजित्त कुमार रेग्मी चयन भएका हुन्।
प्रतिक्रिया दिनुहोस्