बिपिडब्लु लघुवित्तको आईपीओ बाँडफाँट

काठमाडौं, चैत ३ ।  बिपिडब्लु लघुवित्त वित्तीय संस्था लिमिटेडको आईपीओ बाँडफाँट भएको छ। लघुवित्तको शेयर निष्काशन तथा बिक्री प्रबन्धक मेगा क्यापिटल मार्केटसको कार्यालयमा सो आईपीओ बाँडफाँट भएको हो।

मागभन्दा बढी आवेदन परेका कारण धितोपत्र निष्काशन तथा बाँडफाँट निर्देशिका अनुसार गोलाप्रथा माध्यमबाट आईपीओ बाँडफाँट गरिएको हो। यस अनुसार कुल ८ हजार ९५ जनाले १० कित्ताका दरले लघुवित्तको शेयर प्राप्त गरेका छन्।

कम्पनीले फागुन १८ गतेदेखि २३ गतेसम्म सर्वसाधारणका लागि ८० हजार ९५० कित्ता शेयर निष्काशनमा ल्याएको थियो। लघुवित्तको आईपीओमा कुल १४ लाख ५९ हजार ७८४ जनाले १ करोड ५७ लाख ३५ हजार ८१० कित्ता शेयरका लागि आवेदन दिएका थिए।

जसमध्ये १४ लाख ५८ हजार २७८ आवेदन स्वीकृत भएको छ भने १ हजार १३६ आवेदन रद्द भएको छ।