सुनको मूल्य बढेको बढ्यै, आज कतिमा हुँदैछ कारोबार

काठमाडौं, चैत ३ ।  केही दिनयता नेपाली बजारमा सुनको मूल्य बढिरहेको छ। यो सातामात्रै सुनको मूल्य तोलाकै ५ हजार ३०० रुपैयाँले बढेको हो।

आज शुक्रबार प्रतितोला छापाववाल सुन १ लाख ७ हजार १०० रुपैयाँ र तेजाबी सुन १ लाख ६ हजार ६०० रुपैयाँ कायम भएको नेपाल सुनचाँदी व्यवसायी महासंघले जनाएको छ।

गत शुक्रबार प्रतितोला १ लाख १ हजार ८०० रुपैयाँ र तेजाबी गोल्ड १ लाख १ हजार ३०० रुपैयाँमा कारोबार भएको थियो। यो हिसाबले यो साता सुनको भाउ तोलमा ५ हजार ३०० रुपैयाँले बढेको हो।

आज पनि सुनको मूल्य तोलामा ४०० रुपैयाँले बढेको छ। हिजो बिहीबार प्रतितोला फाइन गोल्ड १ लाख ६ हजार ७०० रुपैयाँ र तेजाबी गोल्ड १ लाख ६ हजार २०० रुपैयाँमा कारोबार भएको थियो।

आज चाँदीको भाउ पनि तोलामा ९० रुपैयाँले उकालो लागेको छ। गत शुक्रबार तोलको १ हजार २२० रुपैयाँमा कारोबार भएको चाँदीको आज शुक्रबार १ हजार ३१० रुपैयाँ कायम भएको छ।

worldlink
आज पनि चाँदीको भाउ तोलामा ५ रुपैयाँले बढेको छ। हिजो बिहीबार चाँदी तोलको १ हजार ३०५ रुपयाँमा कारोबार भएको थियो।