बढ्यो सुनको भाउ, तोलाको कति पुग्यो ?

काठमाडौं , पुस २८ । नेपाली बजारमा आज (बिहीबार) पनि सुनको मूल्य बढेको छ । नेपाल सुनचाँदी व्यवसायी महासंघका अनुसार सुन आज तोलामा २०० रुपैयाँले बढेको हो ।

छापावाल सुन तोलामा १ लाख ३ हजार ४०० रुपैयाँमा कारोबार भइरहेको छ । यस्तै, तेजावी सुन तोलामा १ लाख २ हजार ९०० रुपैयाँमा कारोबार भइरहेको छ ।

महासंघकाअनुसार चाँदीको मूल्य भने तोलामा ५ रुपैयाँले घटेको छ । आज चाँदी तोलामा १ हजार ३६० रुपैयाँमा कारोबार भइरहेको छ ।