कोरोना अपडेट: एकैदिन ३ जनाको मृत्यु , ८६८ जनमा संक्रमण पुष्टि

काठमाडौँ , साउन २५ । नेपालमा कोरोनाबाट आज एकैदिन ३ जनाको मुत्यु भएको छ । त्यसैगरि पछिल्लो २४ घण्टामा थप ८६८ जनामा कोरोना भाइरस सङ्क्रमण पुष्टि भएको छ ।

पीसीआर र एन्टिजेन गरी ६ हजार सात सय पाँच जनाको नमुना परीक्षण गर्दा आठ सय ६८ जनामा सङ्क्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।

यही अवधिमा चार सय १४ जना कोरोना सङ्क्रमित निको भएका छन् । अहिले नेपालमा पाँच हजार आठ सय ८५ जना कोरोना भाइरसका सक्रिय सङ्क्रमित रहेका छन् ।

यसैबीच पछिल्लो २४ घण्टामा एक लाख ३८ हजार आठ सय ४० जनाले कोरोनाविरुद्धको खोप लगाएका स्वास्थ्य तथा जनसंख्या मन्त्रालयले जनाएको छ ।