कोरोना अपडेट: थप ५५३ जनामा कोरोना भाइरस संक्रमण पुष्टि

काठमाडौ , साउन २२ । देशभर पछिल्लो २४ घण्टामा थप ५५३ जनामा कोरोना भाइरस संक्रमण पुष्टि भएको छ ।

स्वास्थ्य तथा जनसंख्या मन्त्रालयले दिएको अपडेट अनुसार ३७८९ जनामा परीक्षण गर्दा ५५३ जनालाई कोरोना संक्रमण पुष्टि भएको हो ।

त्यस्तै २०४० नमुनाको पीसीआर परीक्षण गर्दा ४५१ जनामा र १७४९ नमुनाको एन्टिजेन परीक्षण गर्दा १०२ जनामा कोरोना संक्रमण पुष्टि भएको मन्त्रालयले जानकारी दिएको छ ।

त्यसैगरी पछिल्लो २४ घण्टामा ४३३ जना संक्रमित निको भएका छन् ।

योसँगै सक्रिय संक्रमितको संख्या ५ हजार ६५९ पुगेको छ । त्यसैगरी पछिल्लो २४ घण्टामा कोरोना संक्रमणबाट कसैको मृत्यु नभएको मन्त्रालयले जनाएको छ । कोरोना संक्रमणबाट अहिलेसम्म नेपालमा ११ हजार ९७१ जनाको मृत्यु भएको छ ।