त्रिविमा वैशाख २२ देखि जेठ १३ सम्म विदा

काठमाडौं, बैशाख १५ । त्रिभुवन विश्वविद्यालयले चालु शैक्षिक सत्र २०७९ मा २३ दिन वर्षे विदा दिने भएको छ।

त्रिवि कार्यकारी परिषद्को वैशाख १४ गते बसेको बैठकले चालु शैक्षिक सत्र २०७९ मा वैशाख २२ गतेदेखि जेठ १३ गतेसम्म २३ दिन विदा दिने निर्णय गरेको हो।

त्रिवि रजिस्ट्रारको कार्यालयले सूचना जारी गर्दै चालु शैक्षिक सत्रको वर्षे विदा दिइने क्याम्पसहरुको हकमा सम्बन्धित अध्ययन संस्थानबाट निर्णय गरे बमोजिम गर्ने र अन्य क्याम्पस, विभाग र स्कुलहरूको हकमा विद्यार्थीहरूको नियमित परीक्षा भने यथावत सञ्‍चालन गर्ने उल्लेख छ।