फागुन १३ गते चलचित्र ‘प्रेमगीत ३’ रिलिज हुदैँ

काठमाडौँ , २२ मंसिर । कोरोना भाइरसको नयाँ भेरियन्टले विश्वमा फेरि सन्त्रास फैलाएन भने फागुन १३ गते चलचित्र ‘प्रेमगीत ३’ रिलिज हुनेछ ।

यो चलचित्रले बक्स अफिसमा बम्पर कारोबार गर्ने प्रदर्शक र वितरकहरुले अनुमान लिगेका छन् ।

यो चलचित्रबाट नेपाली रजतपटमा नवनायिका कृष्टिना गुरुङको आगमन हुँदैछ । उनी अडिसनबाट यो चलचित्रका लागि छानिएकी हुन् ।

तर, चलचित्र रिलिजका लागि तयार भएकै बेला विश्वमा कोरोना महामारी शुरु भयो र दर्शकमाझ आउन पाएन । प्रदर्शन मिति तोकेर प्रचारमा गइसकेको चलचित्र अन्तिम समयमा प्रदर्शन हुन नपाउँदा निर्माताको बजेट त बढ्यो नै, नवनायिका कृष्टिनाले पनि दुई वर्षसम्म आफ्नो काम देखाउन पाएकी छैनन् ।