कंगनाविरुद्ध राजद्रोहको मुद्दा लगाउन माग, राष्ट्रपतिलाई लेखियो चिट्ठी

काठमाडौँ , २९ कात्तिक । दिल्लीको महिला आयोग (डीसीडब्ल्यू) नायिका कंगना रनोटको स्वतन्त्रताको विषयमा दिएको बयानको विरुद्धमा उत्रिएको छ ।

आयोगकी अध्यक्ष स्वाति मालीवालले कंगनालाई दिइएको पद्मश्री पुरस्कार फिर्ता लिने र राजद्रोहको मुद्दा दर्ता गर्न मागको विषयमा राष्ट्रपति रामनाथ कोविन्दलाई चिट्ठी लेखेकी छिन् । कंगनाले केही दिन अघि एक टिभी च्यानलमा देशको स्वतन्त्रतामाथि विवादास्पद बयान दिएकी थिइन् । उनले आफ्नो बयानमा भारतले वास्तविक स्वतन्त्रता २०१४ मा पाएको र सन् १९४७ मा देशले स्वतन्त्रता नभई भिख पाएको बताएकी थिइन् ।

मालीवालले आफ्नो चिट्ठीमा लेखेकी छिन्, ‘नायिकाले आफ्नो बयानबाट देशको स्वतन्त्रता सेनानीको अपमान गरेको छ । उनको यो बयानबाट थाहा हुन्छ कि उनीभित्र भगत सिंह, महात्मा गान्धीजस्ता हाम्रा अनेक स्वतन्त्रता संग्राम सेनानीप्रति कति घृष्णा भरिएको छ । जसले आफ्नो देशको स्वतन्त्रताका लागि आफ्नो ज्यान दिए ।’

‘हामी सबैलाई थाहा छ कि हाम्रो स्वतन्त्रता संग्राम सेनानीको बलिदानका कारण नै हामीले बेलायतबाट स्वतन्त्रता पाएका छौं । कंगनालाई ‘सत्ताको गुलामी’ देशका वास्तविक स्वतन्त्रता लागिरहेको जस्तो मलाई लाग्छ ।’

मालीवालले राष्ट्रपतिसँग यो पूरा मामिलामाथि ध्यान आकर्षण गर्न र कंगनाबाट पद्मश्री पुरस्कार फिर्ता लिन आग्रह गरेका छन् । आयोगकी अध्यक्षले कंगनाको बयानले भारतीयका भावना आहत भएको र उनको बयान राजद्रोहको श्रेणीमा आउने बताइन् । आफ्नो चिट्ठीमा उनले कंगनाविरुद्ध राजद्रोहको मुद्दा दर्ता गर्न माग गरेकी छिन् ।