प्राइम लाइफको साधारणसभा १९ मंसिरमा, लाभांश प्रस्ताव विशेष एजेण्डा

काठमाडौं,  कात्तिक २३ । प्राइम लाइफ इन्स्याेरेन्सले १९ मंसिरमा १४औं वार्षिक साधारणसभा बोलाएको छ । कम्पनीको सभा दिउँसो २ बजे सुरु हुनेछ । सभा तथा लाभांश वितरण प्रयोजनार्थ कम्पनीले १० मंसिरमा बुक क्लोज गर्दै छ । यसअनुसार ९ मंसिरसम्म कायम सेयरधनीले लाभांश सुरक्षित गर्न सक्नेछन् ।

सभामा आर्थिक वर्ष २०७६/०७७ को नाफाबाट लगानीकर्तालाई १५ दशमलव ८७ प्रतिशत लाभांश वितरण गर्ने विशेष प्रस्ताव पेस हुनेछ । कम्पनीले १५ प्रतिशत बोनस सेयर र कर तिर्नको लागि शून्य दशमलव ८७ प्रतिशत नगद लाभांश वितरण गर्न लागेको हो ।