ऋचा शर्माले छाडिन् ‘कमेडी च्याम्पियन २’ , कारण यस्तो छ

काठमाडौं , भदौं १८ । कमेडी रियालिटी शो ‘कमेडी च्याम्पियन २’ का निर्णायक ऋचा शर्माले शो छाड्ने भएकी छन्। आमा बन्ने समय नजिकिँदै गर्दा उनले स्वास्थ्यलाई मध्य नजर गर्दै शो बाट विश्राम लिने भएकी हुन् ।

शोको दोस्रो संस्करणको अन्तिम तीन छनोट हुँदासम्म निर्णायक रूपमा उनी रहेकी थिइन् । कमेडी च्याम्पियन सिजन २ को फाइनल २ असोजमा हुनेछ । त्योभन्दा अघि तीनै जना प्रतियोगीहरू आ–आफ्नो गृह नगरको भ्रमणमा जानेछन् ।

भरतमणि ताप्लेजुङका हुन् भने सन्तोष गोर्खाका र विक्की सिक्किमका हुन् । टप ४ को प्रतिस्पर्धामा भरतमणि र विक्कीको सर्वाधिक चर्चा भएको थियो । भरतमणिले पूर्व युवराज पारसको नक्कल उतारेर वाहवाही बटुलेका थिए ।

साथै हिकमत महरा भने शो बाट बाहिरी सकेका छन्  ,सन्तोष पन्त, मनोज गजुरेल, ऋचा शर्मा र प्रदीप भट्टराई पहिलो सिजनबाट नै यो शोको निर्णायकको रूपमा छन्।