थप १, ६६४ जनामा कोरोना संक्रमण पुष्टि, २० को मृत्यु
काठमाडौं, भदौ १५ । नेपालमा पछिल्लो २४ घण्टामा देशभर १हजार ६६४ जनामा कोरोनाभाइरस संक्रमण पुष्टि भएको छ ।
यस्तै आज कोरोनाबाट थप २० जनाको मृत्यु भएको स्वास्थ्य तथा जनसंख्या मन्त्रालयले जनाएको छ । यससँगै देशभर कोरोनाबाट मृत्यु हुनेको कुल संख्या १० हजार ७५० जना पुगेको छ । सोही अवधिमा १ हजार ७८६ जना संक्रमणमुक्त भएको पनि मन्त्रालयले जानकारी दिएको छ ।
यता कुल संक्रमित पीसीआर परीक्षणमा ७ लाख ६२ हजार ६४७ र एन्टिजेन परीक्षणमा ८३ हजार ५०५ जना पुगेका छन् । संक्रमितमध्ये ७ लाख १६ हजार ३०६ जना निको भएका छन् ।
हाल देशभर ३५ हजार ५९१ जना सक्रिय संक्रमित रहेका छन् । संक्रमितमध्ये १६४ जना भेन्टिलेटरमा रहेका छन् भने ५३७ जना आईसीयूमा रहेका छन् । पछिल्लो समय नेपालमा संक्रमणदर घट्दो क्रममा रहेको पनि स्वास्थ्य मन्त्रालयले जनाएको छ ।
तर सावधानी अपनाउन भने आग्रह गरिरहेको छ । एकातिर काठमाडौ लगाएतक देशका धेरै ठाउँमा संक्रमण भिडभाडका कारण बढिरहेको पनि छ ।
प्रतिक्रिया दिनुहोस्