कलाकार नीर शाह ‘लाइफटाइम अचिभमेन्ट अवार्ड २०७८’ बाट सम्मानित
काठमाडौं, भदौ १३ । वरिष्ठ तथा दिग्गज कलाकार एवंम नेपाली टेलिभिजनका जन्मदाता नीर शाह ‘लाइफटाइम अचिभमेन्ट अवार्ड २०७८’ बाट सम्मानित भएका छन् । ‘नेशनल टेलिफिल्म अवार्ड २०७७’ को अवसरमा उनलाई शो सम्मान प्रदान गरिएको हो ।
चलचित्र विकास बोर्डको सभा हलमा आयोजित एक कार्यक्रममा शाहलाई उक्त सम्मान संस्कृतिविद् तथा वाङ्मय शताब्दी पुरुष सत्यमोहन जोशी, चलचित्र विकास बोर्डका अध्यक्ष दयाराम दाहाल लगायतले प्रदान गरेका थिए ।
यस्तै कार्यक्रममा चलचित्र पत्रकार बिष्णु प्रसाद सुवेदी समेत पुरस्कृत भएका छन् । सुवेदीले ‘चलचित्र पत्रकारिता पुरस्कार २०७८’ पाएका हुन् ।
कार्यक्रममा कलाकार उत्तम केसी, रमेश बुढाथोकी, लय संग्रौला, सुरविर पण्डित, सरिता लामिछाने लगायत दर्जनौं कलाकार्मीको उपस्थिती रहेको थियो । निर्देशक सुदर्शन थापा, कलाकार रविन्द्र खड्का, पत्रकार प्रकाश सुवेदीले समेत सम्मान पाएका छन् ।
प्रतिक्रिया दिनुहोस्