गायिका गौरी भट्टको आवाजमा रहेको नयाँ गीत ‘सुन्दर सुदुरपश्चिम’ अब बजारमा , सुन्ने होइन त ? (भिडियोसहित)

काठमाडौं, साउन २९ । सुन्दर सुदुरपश्चिम नेपाल आफैमा रमणीय र घुम्न लाएकको ठाउँ हो । सौन्दर्यको खानी सुदूरपश्चिम पर्यटनको ठूलो सम्भावना बोकेको क्षेत्र हो।यहाँका मोहनी लगाउने हिमाल, अग्ला पहाडका धुरा, उर्वर फाँटहरू, कलकल बग्ने नदी र झरना, रहस्यमय गुफा तथा पूल र तालतलैया नै हुन्।

संस्कृतिले पनि सुदूरपश्चिम धनी छ। यहाँको आफ्नै मौलिक रहनसहन, भेषभूषा, चाडपर्व र चालचलन तथा विभिन्न ऐतिहासिक पौराणिक महत्व बोकेका धार्मिक–सांस्कृतिक तथा पुरातात्विक स्थलले पनि नौला यात्रीलाई विष्मयमा पार्छ।

विभिन्न शिलालेखहरुमा कोरिएको विस्मयकारी इतिहास, लुकेको आध्यात्मिक एवं दैवी रहस्य, भाषा संस्कृति र लोकसाहित्य सुदूरपश्चिमको सौन्दर्यका गहना हुन्। यिनै प्राकृतिक–सांस्कृतिक सम्पदाका कारण सुदूरपश्चिम क्षेत्र अलौकिक सौन्दर्यले सुसज्जित छ।

यहाँका पर्यटकीय महत्वका स्थलबारे थाहा पाउने जो–कोही पनि यहाँ घुमफिर लालायित हुन्छन्। मनोरञ्जन–पर्यटनका दृष्टिले अद्वितीय हुनुका साथसाथै यो क्षेत्र अवलोकन–पर्यटनका दृष्टिले पनि महत्वपूर्ण छ। संस्कृतिविद्, सामाजिक एवं भौगोलिक अनुसन्धाता, लोककाव्यकार, इतिहासकार, पशुपंक्षीविद्, भाषाविद् र भूगर्भवेत्ताहरूका लागि ज्ञानको अपार भण्डार पनि हो, सुदूरपश्चिम। त्यस माथि यो प्रदेश संस्कृतिले पनि भरिपुर्ण छ ।

आफनै कला आफ्नै भाषा र भेषभुसा छ । यस मध्य हो एउटा देउडा । पछिल्लो समय पछिल्लो पुस्ताका कलाकारले बजारमा देउडा गीतको जर्गेना गरिरहेका छन् ।आफ्नो संस्कृति जोगाइ राख्न यहाका कालाकार तम्तयार छन् । यसैबीच एउटा देउडा गीत बजारमा आएको छ । जुन गीतमा सुदुर पश्चिमको हरेक ठाउँको बयाएन गरिएको छ । गीतका हरेक शब्दमा यहाँको सुन्दर ठाउँ बस्तीको बारेमा वर्णन र चर्चा गरिएको छ ।

जुन गीतमा स्वर रहेको छ निकै चर्चीत सबैको मनमुटुमा बस्न सफल सुदुरकी चेली देउडा गायिका गौरी भट्ट र देव बि.क को रहेको छ । गीत निकै राम्रो र उत्कृष्ट बनेर बजारमा ल्याएको हो ।

सुदुरपश्चिमको भौगोलिक धार्मिक, तथा सास्कृतिक बिषयलाई समेटेर गीत बजारमा ल्याएको छ । गीत बजारमा आएसँगै अहिले स्रोता दर्शकले निकै राम्र्रो प्रतिक्रिया दिएका छन् ।

उनीहरुले आगमाी दिनमा पनि यस्तै राम्रा उत्कृष्ट सिर्जना बजारमा ल्याउन सुझाव पनि दिएका छन् । गायीका गायिका गौरी भट्टले आवाज दिएका धेरै गीतले चर्चा पाइसकेको छ । यस गीतले पनि चर्चा बटुलीरहेको छ ।

हेर्नुस भिडियो :