गायक थानेश्वर गौतको ‘फुर्के धागो २’ अब बजारमा (भिडियोसहित)
पार्वती पाठक, काठमाडौं , साउन २१ । गायक तथा संगीतकार थानेश्वर गौतमको नयाँ गीत ‘फुर्के धागो २’ सार्वजनिक भएको छ । गीत ‘जननी नेपाल’ नामक युटुब च्यानल मार्फत भर्खेरै मात्र बजारमा आएको हो ।
यसअघिको फुर्के धागो बोलको गीतले सर्वाधिक चर्चा पाएपछि ‘फुर्के धागो २’ बजारमा आएको यस गीतका गायक गौतमले बताएका छन् ।
हिन्दु नारीको महान पर्व तीजलाई लक्षित गरेर सोही टिमले ‘फुर्के धागो २’ बोलको गीत बजारमा ल्याएको
हो ।गीतमा प्रभा बर्तौलाको शब्दमा रहेको छ भने थानेश्वर गौतम र शोभा गौतमको स्वर रहेको छ।
गीतमा संगीत पनि गायक गौतमले नै भरेका छन् । गीतमा मोडल नयन डिसी र अञ्जली अधिकारीको अभिनय रहेको छ ।यसअघि फुर्के धागो बोलको गीतले निकै चर्चा पाएको थियो । टिकटकमा त झनै भाइरल नै हुन पुगेको थियो भने युटुबमा ३८ लाख ओभर भ्युज पाएको छ ।
‘फुर्के धागो २’ बोलको गीत र भिडियोले पनि दर्शक स्रोताको मन जित्ने निर्माण टिमले आशा लिएको छ । गीत बजारमा आएसंगै प्रतिक्रिया भने रार्मै पाएको बताएको छ ।
पछिल्लो समय नेपाली सांगीतीक बजारमा नयाँ-नयाँ गीत आउने क्रम जारी छ । अहिले तीजका गीत बजारमा आइरहेका छन् ।
हेर्नुहोस् भिडियो:
प्रतिक्रिया दिनुहोस्