थप ६८२५ जनामा कोरोना संक्रमण पुष्टि, ५९०४ जना निको भए, ७५ जनाले ज्यान गुमाए

काठमाडौं, जेठ २० । पछिल्लो २४ घण्टामा नेपालमा थप ६हजार ८ सय २५ जनामा कोरोनाभाइरस संक्रमण पुष्टि भएको छ ।

यस्तै ५९०४ जना निको भएको स्वास्थ्य तथा जनसंख्या मन्त्रालयले जनाएको छ । मन्त्रालयका अनुसार २१ हजार ७७३ जनामा कोरोना परीक्षण गर्दा ६८२५ जनामा संक्रमण पुष्टि भएको हो ।

जसमा एन्टिजेन विधिबाट ३२११ जनाको परीक्षण भएको छ भने पीसीआर विधिबाट १८ हजार ५६२ जनाको परीक्षण भएको छ ।

यससँगै देशभर कोरोनाभाइरस संक्रमितको कुल संख्या ५ लाख ७६ हजार ९३६ पुगेको छ भने निको हुनेको संख्या ४ लाख ६७ हजार ४६७ जना रहेको छ ।

यस्र्तै आज कोरोनाबाठ ७५ जनाले ज्यान गुमाएका छन् । यस्तै मृतकको कुल संख्या ७ हजार ६३० पुगेको छ ।

हाल देशभर कोरोनाको सक्रिय संक्रमित १ लाख १ हजार ८३९ जना रहेको छ । हाल संक्रमण निको हुने दर ८१ प्रतिशत रहेको छ ।