नेपालमा कोरोना संक्रमितको संख्या ३ लाख नाघ्यो, आजै मात्रै देशभर थपिए ३ हजार १ सय २२ संक्रमित

काठमाडौं , बैशाख १२ । नेपालमा पछिल्लो चौबीस घण्टामा ३ हजार १ सय २२ जनामा कोरोना संक्रमण पुष्टि भएको छ । १० हजार १३२ वटा नमूनाको परीक्षण गर्दा ३ हजार १ सय २२ जनाको नतिजा पोजेटिभ आएको हो ।

योसँगै नेपालमा कोभिड १९ संक्रमितको संख्या ३ लाख २११ पुगेको छ । यस्तै पछिल्लो चौबीस घण्टामा ४५० जना संक्रमणमुक्त भएका छन् ।

योसँगै नेपालमा संक्रमणमुक्त हुनेको संख्या २ लाख ७७ हजार ५८२ पुगेको छ । अहिले मुलुकभर सक्रिय संक्रमितको संख्या १९ हजार ९५० पुगेको छ भने हजार ६९० जना रहेको स्वास्थ्य तथा जनसंख्या मन्त्रालयले जनाएको छ । यता काठमाडौँ उपत्यकामा थप १ हजार ४ सय ९८ जनामा संक्रमण पुष्टि भएको छ।

काठमाडौँका १ हजार १ सय ३२, ललितपुरका २७० तथा भक्तपुरका ९६ जनामा संक्रमण पुष्टि भएको हो।

देशभर २५२ जनाको आइसियु तथा ६५ जनाको भेन्टिलेटरमा उपचार भइरहेको छ।