यी १४ जिल्ला छन् कोरोनाबाट अति प्रभावित, विद्यालय र भिडभाड हुने ठाउँमा नजान सरकारको अपील

काठमाडौं , बैशाख २ । पछिल्लो समय नेपालमा कोरोना संक्रमण बढिरहेको छ । छिमेकी जिल्ला भारतमा कोरोनाले दिनानुदिन नयाँ रेकर्ड बनाइरहेका बेला यता नेपालमा पनि त्यसको जोखिम बढेको हो । कारोनाबाट नेपालका १४ जिल्ला अति प्रभावित छन् । काठमाडौं उपत्यकाका तीनसहित १४ जिल्ला कोरोना भाइरस ९कोभिड(१९० को संक्रमणबाट अति प्रभावितमा क्षेत्रमा परेका हुन् ।

मन्त्रालयले कोरोना अति प्रभावित १४ जिल्लाको सूची सार्वजनिक गर्दै सकभर विद्यालयसमेत नजान अनुरोध गरेको छ । काठमाण्डौ, भक्तपुर, ललितपुर, कास्की, रुपन्देही, चितवन, बाँके, पर्सा, कैलाली, मोरङ, दाङ, सुर्खेत, बारा र बाग्लुङमा भिडभाड हुने सबै क्षेत्र तथा सेवा बन्द गर्नुपर्ने अवस्था आएको स्वास्थ्य मन्त्रालयले जनाएको छ ।

यी जिल्लाका विद्यालय, रात्रि व्यवसाय, रेस्टुरेन्ट तथा क्लब, खेलकुद, जिम, सार्वजनिक पूजाआजा तथा जात्रा, सभा–सम्मेलन, बैठक, भेला, सिनेमा हल, सपिङ मल, नाचघर, पार्टी प्यालेस, जस्ता भिडभाड हुने ठाउँमा सहभागी नहुन र जनस्वास्थ्यका मापदण्ड पालना गर्न मन्त्रालयले अपिल गरेको छ ।

यस्तै सबै अस्पताललाई अनिवार्य फिभर क्लिनिक सञ्चालन गर्न र कोरोना परीक्षणको लागि नमुना सङ्कलन तथा परीक्षणको व्यवस्था गर्न मन्त्रालयले आग्रह गरेको छ । मन्त्रालयले विदेशी पाहुनालाई पीसीआर नतिजा नेगेटिभ आएमात्रै होटलमा राख्न भनेको छ ।

यस्तै निजी प्रयोगशाला र अस्पतालहरूले कोरोनाको परीक्षण तथा उपचारका लागि तोकिएको दुई हजार रुपैयाँ, सङ्क्रमितको औषधिबाहेक उपचारका लागि दैनिक सामान्यलाई ३५ सय, मध्यम बिरामीलाई सात हजार र जटिल बिरामीलाई १५ हजार रुपैयाँमा ५० प्रतिशत नबढ्ने गरी उपचार गराउन निर्देशन दिएको छ । कोरोना संक्रमण तीव्र गतिमा बढेका कारण १४ जिल्लालाई अति प्रभावित क्षेत्रमा राखिएको मन्त्रालयका सहप्रवक्ता डा। समिर अधिकारीले बताए ।

कोरोना भाइरस सङ्क्रमणको जोखिम जटिल अवस्थामा पुगेको स्वास्थ्य तथा जनसङ्ख्या मन्त्रालयले जनाएको छ । पछिल्लो समय सङ्क्रमणको जोखिम चुनौतीपूर्ण रहेको बताउँदै सबै नागरिकलाई संवेदनशील बन्न मन्त्रालयले अपिल गरेको छ ।

मन्त्रालयले कोरोना अति प्रभावित १४ जिल्लाको सूची सार्वजनिक गर्दै सकभर विद्यालयसमेत नजान अनुरोध गरेको छ ।