आज बस्ने भनिएको कांग्रेस केन्द्रीय समिति बैठक स्थगित, यस कारण भयो

काठमाडौं, चैत ३० । नेपाली कांग्रेसको सोमबारका लागि बस्ने तय भएको केन्द्रीय कार्यसमितिको बैठक स्थगित भएको छ।

पछिल्लो राजनीतिक घटनाक्रम, पार्टीको क्रियाशील सदस्यता विवाद समाधान र महाधिवेशनको कार्यतालिका फेरबदललगायत विषयमा छलफल गर्न सोमबार दिउँसो २ बजे बैठक बस्ने तय भएको थियो।

तर वरिष्ठ नेता रामचन्द्र पौडेलका माइला भाइ गोविन्दराज पौडेलको सोमबार निधन भएका कारण बैठक स्थगित भएको जानकारी आएको केन्द्रीय सदस्य रमेश रिजालले बताए ।

रामचन्द्रका भाइ गोविन्दराज चितवनको रत्ननगरमा बस्दै आएका थिए । यसैबीच वरिष्ठ नेता रामचन्द्र पौडेलले आफ्नो भाइको निधनले आफूलाई मर्माहत बनाएको प्रतिक्रिया दिएका छन् ।