थप २ सय ६० जनामा कोरोना पुष्टि, सक्रिय संक्रमितको संख्या १९ सय नाघ्यो, मृत्यु कति ?

काठमाडौं , चैत २४ । नेपालमा आज थप २ सय ६० जनामा कोरोना भाइरस संक्रमण पुष्टि भएको छ । योसँगै नेपालमा कोरोना संक्रमितको कुल संख्या २ लाख ७८ हजार ४७० पुगेको स्वास्थ्य तथा जनसंख्या मन्त्रालयले जनाएको छ ।

मन्त्रालयका अनुसार नेपालमा सक्रिय संक्रमितको संख्या १९ सय ७९ रहेको छ । यस्तै पछिल्लो २४ घण्टामा १ सय १३ जना निको भएका छन् । हालसम्म संक्रमणमुक्त हुनेको संख्या २ लाख ७३ हजार ४५५ पुगेको छ ।

हालसम्म कोरोनाको कारण ३ हजार ३६ जनाको मृत्यु भएको छ । यसैगरि पछिल्लो २४ घण्टामा कोरोनाबाट शुन्य मृत्यु भएको मन्त्रालयले जनाएको छ ।

यस्तै, हालसम्म ६९ जना क्वारेन्टीनमा रहेका छन् । हालसम्म २२ लाख ९४ हजार ६७ जनाको पीसीआर परीक्षण गरिएको छ ।