कोरोना संक्रमणबाट विदेशमा थप ३ नेपालीको मृत्यु

काठमाडौँ , माघ १८ । कोरोना भाइरस सङ्क्रमणबाट विदेशमा थप ३ नेपालीको निधन भएको छ । संक्रमणबाट बेलायतमा थप ३ जना को निधन भएको हो । गैरआवासीय नेपाली सङ्घका अनुसार यो सहित विदेशमा कोरोना सङ्क्रमणका कारण निधन हुने नेपालीको सङ्ख्या ३सय ३० पुगेको छ ।

गैरआवासीय नेपाली सङ्घअन्तर्गतको स्वास्थ्य समितिका संयोजक सञ्जीव सापकोटाका अनुसार शनिबार साँझसम्म विभन्न ५० देशमा रहेका ५८ हजार ६९५ नेपालीमा कोरोना सङ्क्रमण पुष्टि भएको छ । तीमध्ये ५५ हजार ७९३ जना कोरोनामुक्त भएको सङ्घले जनाकारी दिएको छ ।

गैरआवासीय नेपाली सङ्घको स्वास्थ्य समितिका अनुसार यो साता बेलायत, मलेसिया, साउदी अरब, पोर्चुगल र नाइजेरियामा रहेका थप नेपालीमा कोरोना भाइरस सङ्क्रमण भेटिएको हो । यता कोरोना भाइरसका कारण नेपालमा दुई हजार २७ जनाको निधन भएको छ ।