थप १५७ जनामा कोरोना संक्रमण पुष्टि, ५ जना संक्रमितको मृत्यु

काठमाडौं,माघ १६ । नेपालमा पछिल्लो २४ घण्टामा थप १५७ जनामा कोरोना भाइरसको संक्रमण पुष्टि भएको छ।

शुक्रबार स्वास्थ्य तथा जनसंख्या मन्त्रालयले दिएको जानकारी अनुसार पछिल्लो २४ घण्टामा १५७ जनामा कोरोना पुष्टि भएको हो ।

योसहित हालसम्म संक्रमित हुनेको कुल संख्या दुई लाख ७० हजार ७४५ पुगेको छ।

यस्तै पछिल्लो २४ घण्टामा ३३३ जना निको भएर फर्किएका छन्। योसहित कोरोनाबाट निको हुनेको कुल संख्या दुई लाख ६५ हजार ६९८ पुगेको छ।

यसैबीच पछिल्लो २४ घण्टामा ५ जना कोरोना संक्रमितको मृत्यु भएको छ। योसहित कोरोनाबाट मृत्यु हुनेको संख्या २०२५ पुगेको छ।