थप ४०९ जनामा कोरोना संक्रमण पुष्टि , ६ संक्रमितको मृत्यु

काठमाडौं, पुस २२ । नेपालमा पछिल्लो २४ घण्टामा ४०९ जना कोरोना संक्रमण पुष्टि भएको छ । यो अवधिमा ४९५ जना संक्रमित कोरोनामुक्त भएको स्वास्थ्य मन्त्रालयका प्रवक्ता डा। जागेश्वर गौतमले बुधबार आयोजित मन्त्रालयको नियमित पत्रकार सम्मेलनमा जानकारी दिएका छन् ।

यस्तै बितेको २४ घण्टामा कोरोनाबाट ६ जनाको मृत्यु भएको छ । योसँगै कोरोनाबाट ज्यान गुमाउनेको संख्या १८९९ पुगेको प्रवक्ता गौतमले जानकारी दिए ।

हालसम्म नेपालमा कोरोना संक्रमित हुनेको संख्या २ लाख ६३ हजार १९३ पुगेको छ भने २ लाख ५६ हजार १६१ जना निको भइसकेका छन् । हाल सक्रिय संक्रमितको संख्या ५ हजार १३३ रहेको छ ।