काठमाडौं उपत्यकामा थपिए ३१२ संक्रमित , यस्तो छ पछिल्लो विवरण

काठमाडौं, पुस १६ । पछिल्लो २४ घण्टामा काठमाडौं उपत्यकामा ३१२ जना कोरोना संक्रमित थपिएका छन्।योसँगै उपत्यकामा एक लाख २० हजार ३३८ जना व्यक्ति संक्रमित भएका छन्।

स्वास्थ्य तथा जनसंख्या मन्त्रालयका अनुसार काठमाडौंमा २२५ , ललितपुरमा ४९ र भक्तपुरमा ३८ जनालाई कोरोना संक्रमण देखिएको छ।

हालसम्म काठमाडौंमा मात्र ९७ हजार १९० जना संक्रमित भएका छन्, जसमध्ये ४७० जनाको मृत्यु भएको छ। हालसम्म ९३ हजार ७७७ सय जना निको भएका छन्।

ललितपुरमा १५ हजार २६१ जना संक्रमित भएका छन्। जसमा १४६ जना संक्रमितको मृत्यु भएको छ। ललितपुरमा १४ हजार ७३० जना निको भएका छन्।

भक्तपुरमा ८ हजार ८८७ संक्रमितमध्ये १०४ जनाको मृत्यु भएको छ। हालसम्म ८ हजार ५६० जना निको भएका छन्।
आज काठमाडौंमा २ हजार ९४३ ललितपुरमा ३८५ र भक्तपुरमा १८३ जना सक्रिय संक्रमित रहेको स्वास्थ्य मन्त्रालयले जनाएको छ।