थप ६१३ जनामा कोरोना संक्रमण पुष्टि , पाँचजनाको मृत्यु

काठमाडौं , पुस ९ । पछिल्लो २४ घण्टामा ६१३ कोरोना संक्रमित थपिएका छन् । स्वास्थ्य तथा जनसंख्या मन्त्रालयका अनुसार सोही अवधीमा ७३९ संक्रमित निको भएका छन् ।

हालसम्म नेपालमा कोरोना संक्रमितको संख्या २ लाख ५६ हजार ५९२ पुगेको छ । सक्रिय संक्रमितको संख्या ७ हजार ३८४ छ ।

पछिल्लो २४ घण्टामा पाँच जना कोरोना संक्रमितको मृत्यु भएको मन्त्रालयले जनाएको छ । कोरोनाका कारण मृत्यु हुनेको संख्या १ हजार ८०८ पुगेको छ ।  मन्त्रालयका अनुसार ७ हजार ३८४ जना आइसोलेसनमा छन् ।

स्वास्थ्य मन्त्रालयको तथ्यांक अनुसार हालसम्म २ लाख ४७ हजार ४०० संक्रमित निको भइसकेका छन् । तथ्यांक अनुसार कुल १८ लाख ९६ हजार २५० पीसीआर परीक्षण गरिएको छ ।