कोरोनाबाट थप ५ संक्रमितको मृत्यु , ७४३ जनामा कोरोना पुष्टि
काठमाडौं , पुस ८ । नेपालमा पछिल्लो २४ घण्टामा थप ५ जनाको कोरोना भाइरसको संक्रमणका कारण मृत्यु भएको स्वास्थ्य तथा जनसंख्या मन्त्रालयले पुष्टि गरेको छ ।
योसँगै नेपालमा कोरोनाले ज्यान गुमाउनेको संख्या १८०३ पुगेको छ । यस्तै नेपालमा पछिल्लो २४ घण्टामा थप ७४३ जानमा कोरोना भाइरसको संक्रमण पुष्टि भएको छ
स्वास्थ्य तथा जनसंख्या मन्त्रालयको बुधबारको प्रेस ब्रिफिङमा मन्त्रालयका प्रवक्ता प्राडा जागेश्वर गौतमले पछिल्लो २४ घण्टामा देशभरमा थप ७४३ जनामा कोरोना पुष्टि भएको जानकारी दिए।
योसँगै नेपालमा कोरोना संक्रमित हुनेको संख्या २ लाख ५५ हजार ९७९ पुगेको मन्त्रालयले जनाएको छ। त्यस्तै आज देशभरमा सक्रिय संक्रमितको संख्या ७५१५ रहेको छ।
पछिल्लो २४ घण्टामा थप ६ हजार ५५९ जानको पीसीआर परीक्षण गरिएको प्रवक्ता गौतमले जानकारी दिए।
मन्त्रालयका अनुसार पछिल्लो २४ घण्टामा थप ९५२ जना कोरोना संक्रमित निको भएका छन्। योसँगै निको हुनेको संख्या २ लाख ४६ हजार ६६१ पुगेको छ।
प्रतिक्रिया दिनुहोस्