थप ७८२ जनामा कोरोना सङ्क्रमण पुष्टि, १६ जनाको मृृत्यु

काठमाडौँ , पुस ३ । पछिल्लो २४ घण्टामा ५ हजार ७०६ जनाको परीक्षण गर्दा थप ७८२ जनामा कोरोना भाइरस सङ्क्रमण पुष्टि भएको छ । योसँगै हालसम्म देशभर कोरोना सङ्क्रमितको सङ्ख्या २ लाख ५२ हजार ४७४ पुगेको छ ।

स्वास्थ्य तथा जनसङ्ख्या मन्त्रालयका अनुसार पछिल्लो २४ घण्टामा १०२९ जना कोरोना भाइरस सङ्क्रमणमुक्त भएका छन् । हालसम्म कोरोना सङ्क्रमणमुक्त हुनेको सङ्ख्या २ लाख ४१ हजार ३९२ पुगेको छ ।

हाल देशभर सक्रिय सङ्क्रमितको सङ्ख्या ९ हजार ३१७ छ । पछिल्लो २४ घण्टामा कोरोना भाइरस सङ्क्रमणका कारण १६ जनाको मृत्यु भएको छ । योसँगै हालसम्म मृत्यु हुनेको सङ्ख्या १७६५ पुगेको छ ।